cimboa

Canta cu alma, sem ser magoado
( Arménio Vieira )

Céu é grandi, mundo é largo
Alto é monti picu ‘Ntoni

Bo dor câ tem comparaçon
Na mei’ di fúria bento lesti

Teteia bai pâ nunca más
Terra-longi di San Tomé

Nha Cumá, Toti Cadabra
Curti mundo d’amargura

Toca cimboa, rapica tamboro
Canta cu alma, sem ser magoado

‘Squêce vapor, s’quêce distância
Finca bo pé na terra firmi

Rumo di mar é sina tristi
Bo caminho é tchom di Caoberdi

Nho Nacho flâ al di bêm tempo
Qui midjo tâ dâ sem mêste tchuba

Vontadi d’omi é sima Deus
Coraçom forti câ dêbe tchora

Toca cimboa, rapica tamboro
Canta cu alma, sem ser magoado.

pic_link : school.of.social.sciences